ZERGAITIK EKIMEN EKINTZAILEA?
Gaur egungo lan mundua oso aldakorra eta ez-zihurra dela argi dago, eta honek gazteen lan mundurako sarbidea eta egokitzapena zaildu egiten ditu. Hau horrela izanik, gazte bakoitzak norbere bokazio eta gaitasunekin bat doan espezializazio arlo bateko formakuntza jasotzeaz gain, ezinbestekoa da lan munduko testuinguru berri hauetarako prestatzea. Prestaketa hau, ekimen ekintzailea sustatzearen bitartez lortu daiteke; gazteen talentuaren garapena indartuz.
Ekimen ekintzailearen lanketaren barruan, hainbat adar ikutzen dira: ekimen ekintzailearen (zein barne-ekintzailearen) garrantzia, balioetan oinarritutako ekimenak, zeharkako gaitasunen lanketa, proiektu-ideien garapenerako metodologiak eta faseak, helburu pertsonalen zehaztapena, etorkizuneko erronkak ezagutzea… Gai guzti hauek lantzeko, beharrezkoa da zeharkako gaitasunak, zein metodologia eta tresna berritzaileak ezagutzea.
LANDUKO DIREN GAITASUN ETA EDUKIAK
Ekimen ekintzailea. Zertan datza?
Ekintzailetza eta Barne-ekintzailetza.
Balioetan oinarritutako ekimenak: Autolidergotza.
Zeharkako gaitasunak: Sormena, Berrikuntza, Talde lana, Lidergotza, Proaktibitatea, Erabakiak hartzea, Komunikazioa, Aldaketara egokitzea…
Proiektuen garapenerako prozesuaren faseak, eta metodologia eta tresna berritzaileak.
Etorkizuneko erronkak.
Norbere bidea eta helburuak zehazten.
Aholkularitza.
METODOLOGIA AKTIBOA
Gazteengandik gazteenganako gertutasunaren eraginkortasuna oinarri hartuta, metodologia aktiboaren bitartez, gazteei garapen-prozesu jarrai baterako jakin-mina piztu eta tresnak zabaltzea dut helburu. Formakuntzan zehar, Autoezagutza eta Adimen Emozionalaren osagai nagusiak ezagutu eta garatzeko edukiak eta tresnak partekatuko ditugu. Honetaz gain, gazteen parte-hartze aktiboa sustatuko duten dinamikak egingo ditugu.
Ekimen Ekintzailea zeharkako gaia izanik, formakuntzak eragile bakoitzaren helburuetara eta gazteen behar eta prestaketa mailara egokitzen dira.
