ZERGAITIK ZEHARKAKO GAITASUNAK?
Zeharkako Gaitasunak gazteek arlo pertsonal, sozial, akademiko zein profesionalean garapen integrala izateko beharrezkoak diren trebetasunak dira; eta gure egunerokotasunean eraginkortasuna hobetzen laguntzen digute. Gure bizitzako arlo guztietan duten inpaktua dela eta, oso garrantzitsua da trebetasun hauek gaztetatik ezagutu eta lantzen hastea.
ZEHARKAKO GAITASUN NAGUSIAK
HELBURUAK
Arlo pertsonal, sozial, akademiko zein profesionalean pertsonok garapen integrala izateko eta eraginkortasuna hobetzeko beharrezkoak ditugun Zeharkako Gaitasun nagusiak eta hauetako bakoitzaren balioa ezagutaraztea.
Zeharkako Gaitasunak garatzeko lagungarriak diren tresnak ezagutaraztea eta erabiltzen ikastea; gazteek egunerokotasunean gaitasun hauek modu autonomoan landu ahal izateko.
Gazteen autoezagutza prozesua aberastea, beraien etorkizunaren bideratzea aberasteko.
"Egiten ikasi" metodologian oinarrituta, parte-hartze aktiboa, hausnarketa eta esperimentazioan oinarritutako dinamikak garatzea, gazteei formakuntzaren edukiak barneratzea errazteko.
LANDUKO DIREN GAITASUNAK ETA EDUKIAK
Norbere emozioen ezagutza eta kudeaketa, eta enpatia.
Autoezagutza, norbere balioen ezagutza eta automotibazioa.
Egungo egoera aldakorrean aurkitzen ditugun erronkei aurre egitea, aldaketara egokitzea eta jarrera proaktiboa.
Komunikazio asertiboa eta jendaurrean ideiak aurkeztea.
Kooperazioa, talde dinamiken bideratzea eta pertsonen lidergotza.
Egoeren analisia, arazoen kudeaketa eta erabaki-hartzea.
Ideia berriak sortzea eta egoera ohikoen aurrean aukera berritzaileak topatzea.
METODOLOGIA AKTIBOA
Gazteengandik gazteenganako gertutasunaren eraginkortasuna oinarri hartuta, gure metodologia aktiboaren bitartez, gazteei garapen-prozesu jarrai baterako jakin-mina piztu eta tresnak zabaltzea dugu helburu. Formakuntzan zehar, Zeharkako gaitasun nagusiak ezagutu eta garatzeko edukiak eta tresnak partekatuko ditugu. Honetaz gain, gazteen parte-hartze aktiboa sustatuko duten dinamikak egingo ditugu.
